«Глобал Девелопмент» компаниясы компания портфеліндегі премиум кеңсе ғимараты Park View Office Tower Бизнес орталығы «very good» деген бағамен BREEAM сертификатынан өткенін мақтанышпен мәлімдейді. Бағалауды BREEAM стандарттары бойынша сертификатталған бағалаушы — Drees & Sommer компаниясы жүргізді. Бүгінгі таңда Park View Office Tower Қазақстандағы және Орталық Азиядағы алғашқы «жасыл» (экологиялық) кеңсе ғимаратына айналуда.

BREEAM (ғимараттардың экологиялық тиімділігін бағалаудың халықаралық әдісі) — бұл болашақ жалға алушылар үшін олардың тұрақтылығы мен жайлылығына негізделген ғимараттардың тиімділігін бағалаудың көп критерийлік жүйесі. Ғимаратты бағалау маңызды факторлардың негізінде жүзеге асырылады: жобалау мен құрылысты басқару, жалпы жағдайы мен әл-ауқаты, энергия тиімділігі, көлікке қол жетімділік, суды пайдалану, құрылыс материалдары, қалдықтарды кәдеге жарату жүйесі, жерді пайдалану және экологиялылығы, ластану және инновация.